Afrim Majanci i takon gjeneratës së artë të klubi të boksit Prishtina, pesë herë kampionë i ish Jugosllavisë dhe gjashtë herë nënkampione!
Fitorja e Afrim Majancit kishte bërë bujë në vitin 1983. Pak kush e kishte besuar se ai e ka deklasuar serbin Branisllav Ristiq në kategorinë e lehtë!
Ristiqi ka qenë ndër boksierët më cilësorë, dhe atëkohë rrallë herë pësonte humbje.
Në vitin 1983, në javën e fundit të Kampionati të ish Jugosllavisë, para 7 mijë shikuesve, në qendrën e Rinisë dhe të Sportit në
Prishtinë, në kategorinë e lehtë Majanci e kishte shkatërruar Ristiqin.
Atëkohë, Prishtina triumfoi me rezultat 13:7 kundër Radniçkit të Beogradit dhe e zuri vendin e tretë me 20 pikë, sa kishte edhe Radniçki një pozitë më lartë.
Fitorja e Majancit ishte komentuar shumë në atëkohë dhe pothuajse në të gjithë shtypin e atëhershëm të Republikave ish jugosllave. Shumëkush ishte i çuditur me fitoren e Majancit karshi Ristiqit, që kudo që shkonte ishte favoritë, por në kryeqytet i kishte hasur sharra në gozhdë.
