Federata e Boksit e Kosovës, me zëdhënësin e saj, Latif Demolli, sot e pritën një mik të madh të tyre! Ose siç thonë në popull: “Miku i mirë njihet në ditët më të vështira”, kështu është edhe Ramadan Berisha.
“Sot në zyrët e FBOXK mysafir ishte trajneri dhe sportisti i dalluar karateisti Ramadan Berisha (Dani) i cili jeton dhe vepron në Londër (Angli).
Ramadan Berisha dhe Bujar Dragusha na mundësuan transportin e Kombëtares së Kosovës nga Hoteli në Londër deri në aeroport në kohë pandemie pas ndërprerjes së garave kualifikuese për L.O. Tokio 2020.
FBOXK falënderon këta persona pasi që zyrtarët e Ambasadës së Kosovës në Londër nuk na ndihmuan dhe nuk ishin të gatshëm të bëjnë transportin e ekipit te Kombëtares deri në aeroport në kohë pandemie te Corona Virusit 19, por as që kanë qenë prezent në gara dhe nuk janë interesuar fare për Kombëtaren e Kosovës edhe pse ne kemi kërkuar ndihmë nga zyrtarët e Ambasadës”, njofton përmes një kumtese FBOXK-ja.