Khabib: Ja çdo të ndodhë pas duelit me Gaethje, Dana White më ka bërë një surprizë

Boksi

Khabib: Ja çdo të ndodhë pas duelit me Gaethje, Dana White më ka bërë një surprizë

Më: 2 tetor 2020 Në ora: 09:50
Khabib Nurmagomedov

Në një konferencë shtypi virtuale që Khabib Nurmagomedov ka kryer sot, për të promovuar eventin UFC-254, ku ai do të mbrojë titullin kampion në një duel ndaj Justin Gaethje, rusi ka dhënë disa detaje për të ardhmen e tij.

Kjo do të jetë sfida e parë që Khabib do të zhvillojë pa babanë e tij, që u nda nga jeta pak muaj më parë si pasojë e koroanvirus.

“Shumë njerëz më pyesin se si do të jetë kjo sfidë. Natyrisht që do të jetë e vështirë, mendoj se çdo njeri e ka të vështirë kur humbet babanë e tij. edhe unë jam një njeri dhe më dhemb kjo mungesë e babait tim”, tha Khabib.

I pyetur nëse kjo përballje me Justin do të jetë e fundit, rusi tha: “Jo, do të vazhdoj të dueloj edhe pas eventit UFC-254. Kemi disa opsione për të ardhmen, por për ato do të flasim pas duelit. Dana White më ka thënë se pas kësaj sfide ka përgatitur diçka speciale për mua. I kam thënë që të ma bëjë surprizë pas duelit, pasi nuk dua të shpërqendrohem. Ai më premtoi se ka diçka të madhe për mua. Të shohim se çfarë surprize do të jetë”.

Shfaq komentet
comments powered by Disqus
Sot mund të lexoni Shfletoni kopertinat