Sportet luftarake e kishin fjalën e tyre në vitet e 90-ta dhe ishin halë në sy për regjimin e Serbisë.
Presionet dhe kërcënimet nuk ndaleshin nga pushtuesi serb, por sportistët shqiptarë përkundër kësaj, asnjëherë nuk u ndalën në misionin e tyre, për t’i zhvilluar garat e Republikës së Kosovës.
Elhami Bajrami i takon Gjeneratës së Republikës.
Ai ka qenë ndër trajnerët më të dalluar të boksit në vitet e 90-ta.
Bajrami ka dhënë kontribut të madh dhe me sukses ka udhëhequr Dritën nga Gjilani.
Bajrami me një armatë sportistësh, kush më shumë e kush me pak, kanë dhënë kontribut për të mbajtur gjallë sportin në përgjithësi.
Ai sot është krenar që i takon periudhës më të vështirë por edhe më të lavdishme të sportit, sidomos që i rezistuan okupatorit serb në vitet e 90-ta (1991-1999)!