Shuma marramendëse që Joshua dhe Fury do ta fitojnë

Boksi

Shuma marramendëse që Joshua dhe Fury do ta fitojnë

Më: 17 mars 2021 Në ora: 11:59
Shuma marramendëse që Joshua dhe Fury do ta fitojnë

Kampionët e botës në peshat e rënda, Tyson Fury dhe Anthony Joshua, pritet pasurohen dukshëm këtë vit, pas nënshkrimit të një marrëveshjeje tejet fitimprurëse për dy meçe mes vete.

Ditë më parë, Fury dhe Joshua u pajtuan për t’u përballur dy herë për titullin e kampionit të padiskutueshëm të botës në kategorinë e rëndë.

Të dy boksierët britanikë do t’i fitojnë nga 100 milionë funte (116 milionë euro) secili.

Ata u pajtuan ta ndajnë kuletën 50-50 për meçin e parë.

Kampioni i botës në WBC, Fury, dhe kampioni i botës në WBA, IBF dhe WBO, Joshua, po ashtu u pajtuan që fituesi i meçit të dytë t’i fitojë 60% të të hollave, ndërsa humbësi 40%.

Meçi i parë pritet të zhvillohet në qershor apo korrik, ndërsa rimeçi në nëntor apo dhjetor.

commentFirst article
Sot mund të lexoni Shfletoni kopertinat