Prej disa muajsh fansat e boksit po prisnin me padurim zyrtarizimin e përballjes historike midis Anthony Joshua dhe Tyson Fury, por mesa duket dueli midis kampionëve anglezë duhet të presë.
Prishësi i planeve është Deontay Wilder. Boksieri amerikan u mposht dhe humbi titullin kampion bote të konfederatës “WBC” në përballjen e 22 Shkurtit të 2020-ës ndaj Tyson Fury.
Në rast fitoreje të këtij të fundit, Wilder i lind e drejta e një përballje tjetër me kundërshtarin anglez, por Fury e anashkaloi këtë klauzolë, pasi sipas tij marrëveshja e kishte kaluar afatin kohor të kontratës.
Skuadra ligjore e Wilder e çoi çështjen në gjyq dhe ditën e djeshme gjykatësi vendosi në favor të Wilder, i cili tashmë po përgatitet për hakmarrje ndaj anglezit të pamposhtur Tyson Fury.
Sipas “ESPN”, gjykatësi i çështjes ka vendosur datën 15 shtator si afatin maksimal për përballjen e radhës të dy peshave të rënda.
