Ganiu priti në Komunën e tij boksierët e suksesshëm të KB Shkupi

Boksi

Ganiu priti në Komunën e tij boksierët e suksesshëm të KB Shkupi

Më: 23 korrik 2021 Në ora: 20:23
Ganiu priti në Komunën e tij boksierët e suksesshëm të KB Shkupi

Kryetari i Komunës së Çairit, Visar Ganiu sot ka pritur boksierët e KB Shkupit.

Përkrahja e kryetarit asnjëherë nuk ka munguar kur është fjala për sportistët. Këtë e dëshmon edhe takimi me ta dhe përkrahja e vazhdueshme.

"Me kënaqësi sot prita Baki Ajetin, fituesin e medaljes së artë në Turneun ndërkombëtar të boksit për “schoolboys” që u mbajt në Zrenjanin të Serbisë, sikurse edhe fituesin e medaljes së argjendtë Altin Osmanin dhe Ardijan Azemin fituesin e parë të medaljes së bronzit. Në këto gara kanë marrë pjesë edhe përfaqësues nga Maqedoni e Veriut, Kroacia, Bosnjë e Hercegovina, Sllovenia, Rumania e Hungaria.

Sfida e ardhshme e Baki Ajetit dhe Altin Osmanit është Kampionati Evropian, që do të mbahet nga 10 deri 20 gusht në Sarajevë të Bosnjë-Hercegovinës. Ndërsa Ardijan Azemin e pret Kampionati Evropian për të rinjë që do të mbahet në Budva të Malit të Zi.

Fituesit e medaljeve sikurse edhe trajnerin e tyre Naser Harunin i falënderova që na bëjnë krenar me sukseset nga garat e shumta ku marrin vazhdimisht pjesë dhe ju urova suksese edhe në sfidat e ardhshme", tha Ganiu.

commentFirst article
Sot mund të lexoni Shfletoni kopertinat