Liridon Fazliu, djaloshi me prejardhje nga Vushtria por që jeton dhe vepron në Belgjikë më 9 tetor 2021 do të ketë ndeshjen e tij më të rëndësishme në karrierë pasi do ndeshet për titullin “Flemish Title” kurse kundërshtar i tij do jetë boksieri me prejardhje nga Italia por që jeton në Belgjikë, Angelo Turco (8.19.2).
Për këtë duel, Fazliu thotë se po përgatitet maksimalisht në klubin e tij, ndërkohë është shumë i gëzuar që federata i ka dhënë mundësi dhe beson shumë se do ta shfrytëzoj duke e mposht kundërshtarin e tij.
Kjo përballje do të jetë ndeshja e mbrëmjes dhe e njëjta do të zhvillohet në Middelkerke, një komunë e vogël 5 km nga qyteti i Oostende.
Si është ndenja për tu ndesh për titull?
Fazliu: Së pari jam shumë krenar qe po e përfaqësoj vendin dhe flamurin tim dhe se dyti është një shpërblim që po më jepet për punën që e kam bërë tani e sa vite ne boksin profesionist.
Kush është kundërshtari dhe si mendoni se do te jete ndeshja?
Fazliu: Kundërshtari është një profesionistë me prejardhjen italiane dhe pas analizave që i kemi bërë me stafin tim kemi vërejt se bëhet fjalë për një boksier të fuqishëm dhe me kondicion të madh i cili e len zemrën në ring. Me një fjalë do jetë një sfidë e madhe për mu, mirëpo do jap maksimumin ta mposht.
Ku po i zhvilloni përgatitjet për ketë duel?
Fazliu: Përgatitjen kryesisht po i zhvilloj në klubin tim në Oostende dhe të njëjtat janë të dirigjuara nga trajneri im. Momentalisht po i zhvilloj nga 2 stervitje në ditë ku përveq aspektit tekniko taktik po zhvilloj edhe sparingje
Jeni i pamposhtur deri me tani ne boksin profesionist, si e keni arrit ketë?
Fazliu: Me shumë disiplinë, motivim dhe natyrisht e kam rrethin e mirë qe më ndihmojnë duke nisur nga Menaxheri dhe koleget e mi. Boksi nuk është një hobby për mua, pasi jetoj nga ky sport. Në rast se e fitoj titullin për veriun e Belgjikës regjioni Vlaanderen “Vlaamse Kampioenschap” atëherë më hapen dyert me pas të ndeshem për titull të Belgjikës. Për të ardhmen ëndërr e imja te fitoj titullin UBO në vendin tim te dashur - Kosova.
Sa keni mbështetje nga sponsoret dhe qyteti ku jeton dhe si janë planet e juaja?
Fazliu: Jam me fat se kam mbështetje 200% prej Komunës ku jetoj, ndërkohë që edhe sponzorat me ndihmojmë shumë, poashtu kam mbështetje shumë edhe nga familja, shoqëria dhe fansat e mi që i falënderoi të gjithë publikisht.
