Boksieri nga Kosova ia ka ofruar rimeçin gjermanit Dominic Bosel, junikasi synon të mbetet kampion botëror
Haxhi Krasniqi do të zbresë përsëri në ring.
Boksieri ia ka dhënë mundësinë e rimeçit Dominic Boselit.
Junikasi e kishte fituar duelin e 10 tetorit të vitit të kaluar ndaj boksierit gjerman me vendim të gjyqtarëve.
Me këtë rast, Krasniqi ishte shpallur kampion i botës në peshën gjysmë të rëndë në versionet IBO e WBA.
E tash, boksierët do t’i kryqëzojnë dorëzat muajin tjetër në “Getec Arena” të Magdeburgut në Gjermani.
Ky meç do të zhvillohet më saktësisht më 9 tetor.
Krasniqi është duke u përgatitur qe një kohë për këtë meç.
Në konferencë për shtyp, ai sot është shprehur se do të mundohet ta mbrojë titullin e kampionit të botës.
Nga ana tjetër, Bosel insiston se do ta rrëzojë nga froni Krasniqin.
34 vjeçari kosovar i ka 51 fitore e 6 humbje në boksin profesionist.
Kurse, kundërshtari i tij gjerman i ka 30 fitore e 2 humbje.
Krasniqi do të boksojë pas një viti.
Kurse, Bosel e kishte mundur çekun Ondrej Budera në maj të këtij viti.
