Fitoi ndaj Wilderit, kjo është deklarata e Tyson Furyt pas super meçit

Boksi

Fitoi ndaj Wilderit, kjo është deklarata e Tyson Furyt pas super meçit

Më: 10 tetor 2021 Në ora: 07:12
Tyson Fury, Deontay Wilder

Tyson Fury ka fituar meçin e tretë ndaj Wilderit me K.O në raundin e 11’të.

Ky ishte padyshim një nga përballjet më interesante në histori të boksit, me dy boksierët që na dhuruar emocione të mëdha.

Pasi mbrojti titullin WBC në peshat e rënda, Tyson Fury dha këtë deklaratë:

“Unë u lëndova. Wilder është një goditës i madh dhe një njeri i madh. Zoti më ngriti në këmbë sonte. Unë i jap atij lavdinë”, tha fillimisht Fury pas meçit.

“Ishte një luftë e madhe sonte. Është një nga meçet më të mira në historinë e këtij sporti. Unë gjithmonë kam thënë se jam më i miri në botë dhe ai është i dyti më i miri”, vazhdoi Fury.

“Unë jam një sportist, shkova për t’i treguar atij dashuri dhe respekt dhe ai nuk donte t’a kthente. Pra, ky është problemi i tij. Unë do të lutem për të, kështu që Zoti do ta zbusë zemrën e tij”, përfundoi Fury.

commentFirst article
Sot mund të lexoni Shfletoni kopertinat