Boksieri britanik, Tyson Fury e ka mundur me nokaut në raundin e 11-të Wilderin, duke ia shkaktuar humbjen e dytë radhazi.
I pyetur pas meçit nëse ai mund ta përfundojë karrierën e tij pas kësaj fitoreje, Tyson Fury thotë: “A e dini se çfarë? Unë do të dal dhe të pi disa pije dhe të pushoj. As që po mendoj për boksin”.
Gjatë 11 raundeve, pesë herë u rrëzuan boksierët. Fillimisht Wilder në raundin e tretë, pastaj Fury dy herë në raundin e katërt, Wilder sërish në raundin e 10 dhe në të parafundit Fury e nokautoi përfundimisht.
Kujtojmë se Fury me Wilderin kanë bërë tri meçe. I pari shkoi barazim, teksa dy të tjerët i fitoi Fury.
