Refuzuan kombëtaren e Kosovës, dënohen me 6 muaj!

Boksi

Refuzuan kombëtaren e Kosovës, dënohen me 6 muaj!

Nga: Kemajl Goca Më: 29 mars 2017 Në ora: 15:07
Boksieri Sylejmani gjatë një meçi

Nuk falë Federata e Boksit e Kosovës. Dy boksierë që llogariten si shpresa më e madhe janë dënuar nga Komisioni Disiplinor i Federatës së Boksit të Kosovës. Fjala është për boksierët Violant Sylejmani i KBO Drita nga Gjilani dhe Dielli Vranoci i KBO Pejës. Sipas zyrës së FBOXK-së, arsyeja ka qenë se ata refuzuan të boksojnë për kombëtaren e Kosovës në turneun ‘Pavarësia’ për nder të 17 shkurtit – Ditës së Pavarësisë së Kosovës. “Komisioni Disiplinor i Federatës së Boksit të Kosovës, merr vendim në bazë të procedurave disiplinore kundër boksierëve Vioolant Sylejmani dhe Dielli Vranoci për kundërvajtje Neni 53. Violanat Sylejmani e Dielli Vranoci u dënuan me gjashtë muaj ndalimi të boksimit në Kosovë dhe në garat ndërkombëtare. Të lartpërmendurit janë dënuar për arsye të refuzimit që të boksojnë në turneun 'Pavarësia' edhe pse kanë kryer kontrollimin mjekësor dhe peshimin zyrtar. Të lartpërmendurit kanë qenë pjesë e  reprezentacionit të Kosovës në përgatitje të përbashkëta për të boksuar në këtë turne, që mbahet për nder të ditës së shpalljes së Kosovës Republikë”, thuhet mes të tjera nga FBKOXK-ja.

Sot mund të lexoni Shfletoni kopertinat