Po vjen 22 prilli, dita e madhe për Haxhi Krasniqin. Boksieri i mirënjohur shqiptar është para sfidës së madhe, kundër armeno-gjermanit, Arthur Abraham. Ky është meç eliminator në luftë për titullin e kampionit të botës në versionin WBO në kategorinë super të mesme.
Haxhiu konfirmon se është i gatshëm si asnjëherë më parë me synime të qarta, vetëm fitore e asgjë tjetër. Salla në Erfurt do të jetë arenë e një mbrëmje të madhe, ku pritet të jetë një numër i madh i shikuesve sidomos bashkatdhetarët tanë që t’i japin përkrahjen trimin tonë.