Anthony Joshua – Wladimir Klitschko, është meçi që janë duke e pritur të gjithë me padurim dhe tashmë stadiumi “Wembley” ka filluar të mbushet.
26 vjeçari, Anthony Joshua, i cili është ende i pamposhtur në karrierën si profesionist ku ka fituar 18 ndeshje radhazi, që të gjitha me K.O – ka arritur në stadium dhe duket tejet i qetë para duelit që cilësohet si i shekullit.
Ky duel vlen për kurorën botërore në peshat super të rënda të versioneve WBA, IBF, dhe IBO.
Klitschko vjen në këtë dyluftim pasi ka pësuar disfatën e tij të parë në 11 vitet e karrierës së tij si profesionist në nëntorin e 2015 përballë një tjetër boksieri anglez, Tyson Fury.
Derisa Joshua, kampion në fuqi i versionit IBF, e mbrojti titullin prillin e vitit të kaluar kundër amerikanit Charles Martin, tani do të tentojë ta bëjë këtë për herë të tretë.
Meçi mes Joshuas dhe Klitschkos, që po konsiderohet edhe meçi i shekullit në boks, fillon nga ora 22:45 sipas orës tonë lokale.
