Eventi i UFC-229 në artet marciale mikse po afrohet me shpejtësi dhe 3 ditë nga dueli i madh mes Khabib Nurmagomedov dhe Conor McGregor, akuzat e sulmet që sportistët i bëjnë njëri-tjetrit sa vijnë e shtohen. Rusi Nurmagomedov, kampioni i botës në fuqi në peshën e lehtë, shprehet se pavarësisht se UFC-ja vendosi t’i hiqtë titullin kampion irlandezit, sërish Dana White është i varuar nga McGregor. “Ata duan që unë ta humbas këtë duel, pasi kështu u intereson atyre, me Conor bëjnë më shumë parà”, u shpreh Khabib Nurmagomedov.
Më tej, Khabib ka thumbuar presidentin e UFC-së, që sipas tij po mban anën e Conor. “Dana, nuk ke pse i lëpin by… Conor, mjaft e bërë këtë gjë. Në dy vitet e fundit Conor nuk ka dhënë dhe nuk ka bërë asgjë për UFC-në, ndërsa për mua kjo është sfida e tretë në 9 muaj. Dana sheh interesin e momentit dhe harron se kush ngjitet në kafaz e duelon. Por unë do t’ua prish planet dyshes McGregor-White dhe do ta mbroj titullin kampion. Për këtë arsye do ta fitoj me “KO” duelin ndaj Conor që t’ua mbyll gojën të gjithëve”, tha Nurmagomedov.