Wilder: I pashë sytë e Furyt duke u rrotulluar, vetëm Zoti e di si u çua në këmbë përsëri

Boksi

Wilder: I pashë sytë e Furyt duke u rrotulluar, vetëm Zoti e di si u çua në këmbë përsëri

Më: 2 dhjetor 2018 Në ora: 09:38
Fury-Wilder

Pasi e siguri një barazim me Tyson Fury me një nokaut dramatik në rundin e fundit, Deontay Wilder e mbrojti titullin e kampionit të botës në kategorinë e rëndë WBC dhe e nderoi me fjalë kundërshtarin e tij britanik.

Por, amerikani e kundërshtoi vendimin e gjyqtarëve për barazim, duke thënë se dy nokautet, në rundin e nëntë dhe 12-të, dëshmuan se ai ishte më i mirë se Fury.

“Çfarë lufte e mahnitshme, nuk kam fjalë. Jam i lumtur që meçi i përmbushi pritjet, sepse shpesh kjo nuk ndodh”, tha Wilder.

Ai foli edhe për forcën që Fury tregoi duke u çuar në këmbë dhe vazhduar luftën edhe pse u rrëzua dy herë.

“Nuk e di si u çua ai. Nuk e di pse ata nuk e nisen numërimin më herët, megjithëse nuk dua të gjejë arsyetime”, shtoi ai.

“Vërtet mendoj se e rraha. E godita me të djathtën, pastaj me të majtën dhe ia pashë sytë duke iu rrokullisur. Vetëm Zoti e di si u çua në këmbë përsëri”, shtoi amerikani.

commentFirst article
Sot mund të lexoni Shfletoni kopertinat