Bashkëshortja e princit anglez Harry, Meghan Markle, është duke iu afruar fundit të pritjes së ëmbël.
Teksa këtë të hënë ndodhej për vizitë në Birkenhead, të Merseyside, bashkë me të shoqin, ajo zbuloi një detaj lidhur me kohën kur do të lindë fëmija.
Fëmija mbretëror pritet të lindë rreth fundit të muajit prill, por edhe fare pak mundësi ka që të vijë në jetë në muajin maj.
Dukesha e Sussex u shfaq e buzëqeshur, teksa ishte e veshur gjithë ngjyra, ndërkohë që ra në sy barku i saj i rrumbullakosur.
