Ylli Limani është një ndër këngëtarët shqiptar më të ndjekur në rrjetet sociale. Me muzikën e tij, ai ka arritur që të fitojë zemrën e publikut shqiptar.
Ndërsa femrat, përveç zërit të bukur, i ka bërë për vete edhe me look-un e tij. Por mesa duket kot nuk thonë se bukuria është e trashëguar.
Pak më parë, Ylli ka prezantuar për herë të parë vëllain e tij më të vogël me fansat, të cilin e uron për ditëlindje me një postim në “Instastory”.
“Artushi. Për beben që na ka tranuar sa herë rrëzoheshe, se mami më fajësonte mua dhe Hanën. Urime ditëlindjen. Si fëmija më i vogël i familjes, po shpresoj që s’të kemi lënë me pasoja për tërë jetën. Të dua”- shkruan Ylli me humor krahas fotos së vëllait.
Nuk e dimë se pse këngëtari e ka mbajtur të fshehur deri tani të voglin e familjes, por nga fotografia vihet re ngjashmëria që kanë me njëri-tjetrin.
Ndërkohë përveç vëllait, Limani ka edhe një motër më të madhe që quhet Hana.
