Ava Max është një tjetër këngëtare shqiptare e cila ka hyrë prej kohësh në tregun muzikor botëror. “Sweet but psycho” është hiti me të cilin ajo fitoi edhe më shumë vëmendjen e publikut.
Së fundmi ajo është surprizuar teksa ka parë që posteri i saj të shfaqej në një nga vendet më të njohura në të gjithë botën, në “Times Square” të Nju-Jorkut.
“A është ky realiteti?! Në mes të Times Square?! Çfarë! Faleminderit për të gjithë dashurinë Spotify … e keni bërë vajzën tuaj të qajë! Ju dua të gjithëve shumë”, shkruan këngëtarja e famshme krah fotos së publikuar në profilin e saj në “Instagram”.
Ndërkohë ky poster është publicitet për këngën e saj më të re “So Am I” që u publikua një ditë më parë dhe që rezultati është i dukshëm.