Prej disa kohë, Hueyda El Saied, ka njoftuar se po punon për ekspozitën e saj të tetë me piktura.
Ndërkohë dje ajo publikoi në profilin e saj në “Instagram” një foto ku tregonte se kishte pikturuar një balerinë shtatzënë. Nisur nga kjo, të gjithë fansat e saj menduan se ajo ishte në pritje të ëmbël për herë të dytë.
Ndjekësit menduan se ajo zgjodhi këtë mënyrë për të thënë publikisht se ishte shtatzënë dhe ata e uruan menjëherë.
Por mesa duket nuk është aspak ashtu siç menduan fansat e saj. Hueyda ka publikuar sot disa “Instastory”, ku e ka mohuar lajmin se po pret një fëmijë të dytë.
“Piktura nuk ka lidhje me mua. Ish-balerinë jam, por nuk jam shtatzënë, se më kanë ardhur plot mesazhe urimi. Jo nuk jam shtatzënë, ishte thjesht një frymëzim i momentit”, ka treguar Hueyda.
Ndërkohë kujtojmë se Hueyda El Saied është nënë e një djali të quajtur Gabriel dhe momentalisht është shkëputur për të jetuar në Luxembourg.