Martesa e moderatores së njohur, Klea Huta me partnerin e saj, Elgit Doda i surprizoi të gjithë ndjekësit.
Të dy publikuan fotografitë e ceremonisë së martesës të zhvilluar në Marok. Klea ka publikuar sot disa fotografi të reja nga vendi që do i mbetet gjithmonë në mendje.
Si një çift i sapomartuar, ata ecin me veshjet e dasmës në rrugët e Marokut të kapur për dore e me buzëqeshje në fytyrë.
Edhe Elgiti ka ndarë me fansat fotot ku shfaqet i veshur me kostumin e zi të dhëndrit dhe Klea me fustanin e bardhë të nuses.
Ashtu siç duket nga postimet, dyshja ka përjetuar momentet më të veçanta teksa kanë kurorëzuar dashurinë e tyre në martesë.
Ndërkohë përflitet se Klea është në pritje të një fëmije, gjë që solli edhe martesën, por ende nuk është konfirmuar.