Ylli i “Manchester United”, Paul Pogba, tashmë është i njohur për jetën e tij super luksoze.
Mesfushori i “Djajve të Kuq” sipas tabloideve të huaja ka shpenzuar deri më tani plot 1.6 milion funte për të pasur në garazhin e tij makinat e preferuara.
Ajo që tërhoqi më shumë vëmendje ishte vetura e tij luksoze, Lamborghini Aventador, makinë kjo që kushton hiç më pas se 271 mijë funte, më pas Ferrari 812 SuperFast, që kushton 282 mijë funte, si dhe Rolls Royce MatBlack që kap vlerën e 260 mijë funtash.
Po ashtu, Pogba zotëron edhe një aeroplan privat, me të cilin fluturon me të afërmit e tij.
Francezi u transferua te “Djajtë e Kuq” në vitin 2016 dhe gjashtë muajt e parë, qëndroi në hotel, pasi ishte në kërkim të një shtëpie perfekte.
Megjithëse në janar të vitit 2017 e bleu, vila e Pogbas në Manchester kushton mbi 2.6 milionë sterlina, duke përfshirë kështu pishinën në ambientet e brendshme, që është shumë pranë kuzhinës.
Ai gjithashtu është i lidhur prej vitesh me modelen Maria Zulay Salaues, e cila ekspozohet tejet pak në rrjetet sociale.
Kjo e fundit është e lindur në Bolivi dhe momentalisht jeton në Amerikë, gjë që lë të nënkuptohen dhe vizitat e shumta të Paul Pogbas në Shtetet e Bashkuara.
