Renato Mekolli festoi dje 38-vjetorin e lindjes, por këtë herë kjo ditë e veçantë e gjeti në SHBA, aty ku ndodhet prej disa ditësh.
Shefi i njohur i kushinëz si fillim zgjodhi t’i bëjë një urim vetes, prandaj publikoi në llogarinë e tij në Instagram një foto, ku shfaqej i veshur me një bluzë të bardhë, ndërsa në kokë mbante një kapuç dhe syze, krah së cilës shkruante:
“Krenar për jetën time. Duke festuar në vorbull. Djali i ditëlindjes”.
Por, duket se këtë udhëtim nuk ka dashur ta bëjë vetëm, pasi ka marrë edhe të dashurën.
Renato publikoi në Instagram një video, ku tregoi surprizën që ajo i kishte bërë që herët në mëngjes, duke e zgjuar me gota shampanje në krevat, ndërkohë që në sfond dëgjohej muzikë.
“Ja si të zgjon dashuria”,- shkroi ai krahas videos, ku duket shumë i lumtur dhe “i përkëdhelur”.
Nuk kanë munguar as urimet e shumta nga miqtë dhe të afërmit e Renatos, duke ia zbukuruar akoma më shumë këtë ditë të veçantë.