Almeda Abazi është martuar me aktorin e njohur turk, Tolgahan Sayisman, të cilit i ka mësuar edhe të flasë shqip.
Tolgahan nuk e harron prejardhjen e partneres së tij dhe me rastin e Ditës së Pavarësisë së Shqipërisë, aktori ka bërë një urim në shqip.
Në një postim në Instastory, ai shkruan:
“Gëzuar 28 nëntorin Shqipëria”, të cilën e ka shoqëruar edhe me një shqiponjë dhe me flamurin shqiptar.
Ndërkohë, disa orë më parë, Tolgahan publikoi një foto të tijën në Instagram krah së cilës shkruante edhe në shqip “E kështu”, duke treguar se Almeda ende përpiqet t’i mësojë fjalë të reja.
Çifti para dy ditësh dha lajmin e bukur se do të bëhen prindër për herë të dytë, por gjininë ende nuk e kanë zbuluar.
Ata kanë një djalë të vogël, të cilin e kanë pagëzuar me emrin Efehan.
