Beteja për kujdestarinë e fëmijëve, këngëtarja e famshme siguron fitoren e madhe. Ja çfarë vendosi gjykata

Bota e Yjeve

Beteja për kujdestarinë e fëmijëve, këngëtarja e famshme siguron fitoren e madhe. Ja çfarë vendosi gjykata

Më: 1 dhjetor 2020 Në ora: 14:39
Kelly Clarkson

Kelly Clarkson ka shënuar një fitore të madhe në gjyqin e divorcit me ish-bashkëshortin.

Gjykata vendosi t’i japë këngëtares së famshme kujdestarinë primare për 2 fëmijët e tyre.

Kelly dhe ish-bashkëshorti, Brandon Blackstock po luftonin për kujdestarinë e River, 6 vjeç, dhe Remy, 4 vjeç.

Blackstock dëshironte të jetojnë në fermën e tyre në Montana dhe kujdestarinë e përbashkët të fëmijëve.

Por gjykata mori vendimin që kujdestarinë primare do e kishte këngëtarja, ndërsa ish-bashkëshorti i saj do i marrë fëmijët në fundjavën e parë, të tretë dhe të pestë të çdo muaji. Fundjavën e parë dhe të 5-të Brandon duhet të jetë në Los Angeles në mënyrë që të kalojë kohë me dy fëmijët e tij, ndërsa në fundjavën e 3-të të muajit fëmijët duhet të udhëtojnë në Montana.

Ndërkohë Kelly arriti të sigurojë që të kalojë më shumë kohë me fëmijët, gjë edhe që e dëshironte.

Gjykata urdhëroi se asnjëri prej tyre nuk duhet të flasë keq për njëri-tjetrin tek fëmijët, si edhe nuk duhet të konsumojnë pije alkoolike apo drogë kur udhëtojnë me fëmijët me makinë.

Image
Shfaq komentet
comments powered by Disqus
Sot mund të lexoni Shfletoni kopertinat