Luana Vjollca gjithmonë është e kuruar deri në detaje, por ditën e djeshme, Rezart Veleshnja ka publikuar një video të rrallë.
Aktori i humorit ndau me të gjithë në Instastory pamjet teksa moderatorja bëhej gati para emisionit, duke u fokusuar tek çorapet e saj të gjata.
“Më shtohet jeta vetëm kur shikoj këto çorape. Këto çorape mua më shtojnë jetën. O zottt… O Luana, o dritë,”- dëgjohet duke thënë Rezart Veleshnja.
Ndërkohë, përveç çorapeve, Luana Vjollca shfaqet e veshur me një fustan sportiv, teksa po bëhej gati për të larë flokët e më pas për të bërë make up-in.
Gjatë videos, moderatorja mbulon fytyrën me duar, pas komenteve epike që aktori i bën.
Pak kohë më parë, u përfol për një zënkë mes tyre, pasi Rezart Veleshnja nuk u shfaq në emision për disa ditë, por kjo rezultoi të ishte e pavërtetë, sepse “largimi” i tij kishte të bënte me disa angazhime në “Portokalli”.
