Veprimi i fundit i Kylie Jenner ka revoltuar aktivistët për të drejtat e kafshëve.
Gjatë fundjavës, ylli i “Keeping Up With the Kardashian” doli për pazar. Kur u largua nga një dyqan luksoz në Beverly Hills, Jenner u drejtua për tek makina e saj dhe sapo u fut brenda, katër protestues e rrethuan, raporton “Glamour”.
Nga videot e publikuara në rrjet, vihet re momenti kur aktivistët i bërtasin:
“Turp për ty! Je një përbindësh! Turp për ty!”
23-vjeçarja më pas doli nga “Rolls-Royce-i” i saj, teksa sigurimi e mbronte nga pas.
Ajo është përballur me një situatë të ngjashme edhe në janar kur tregoi papuçet e sapo blera ‘Louis Vuitton’ të bëra me gëzof, vetëm disa ditë pasi u përpoq të rrisë ndërgjegjësimin për kafshët që kishin ngordhur nga zjarri në Australi.
Protestuesit nuk kishin si shënjestër Kylie-n, pasi protesta e tyre filloi diku tjetër dhe më pas u drejtuan nga qendra e famshme tregtare.
23-vjeçarja nuk ishte veshur me gëzof në kohën e protestës, por ka veshur në të kaluarën e sigurisht aktivistët e mbanin mend këtë.