Dua Lipa është bërë sërish pjesë e revistës më të famshme të modës, “Vogue”, por ai që na habiti është look-u i saj.
Autorja e hitit “New rules” ka postuar ditën e sotme në rrjete sociale foton e kopertinës së revistës britanike duke na lënë të gjithëve gojëhapur.
25-vjeçarja shfaqet me flokë të shkurtë biondë dhe duket kaq ndryshe, teksa ka veshur një fustan të zi!
Dua shkruan se është shumë e emocionuar për këtë paraqitje, teksa bënë me dije se numri i revistës del në shitje më 8 janar.
“Duke e filluar 2021 si një kameleon i vërtetë, siç unë jam! Faleminderit Edward Enninful! Unë kurrë nuk do ta harroj të gjithë dashurinë dhe mbështetjen që më ke dhënë gjatë gjithë karrierës sime dhe që më dhurove kopertinën time të dytë në ‘British Vogue’!!
Kjo ishte një ëndërr që u bë realitet dhe ndihem me fat që kam punuar me disa legjenda të vërteta! Në shitje më 8 janar!”, shkruante ndër të tjera këngëtarja me origjinë shqiptare.
Kujtojmë se Dua bëri një paraqitje të mrekullueshme në “Vogue” në shkurt të 2020-ës, ku mbi të gjitha në videon prezantuese foli shqip.
