Rita Ora mendon që edhe vet Charles Dickens do të kishte qenë një fans i versionit të ri dhe të modernizuar të përrallës klasike “Oliver Twist”, pavarësisht se filmi i ri është kritikuar nga kritikët.
Këngëtarja 30-vjeçare luan Dodge, një version i ndryshuar gjinor i Artful Dodger në Twist, film i sapo publikuar, i cili e shfaq Rafferty Law në rolin titullar, shkruan Daily Mail.
Në një intervistë me The Hits Radio Breakfast Show Fleur East të premten, ylli pohon se Dickens, i cili vdiq në vitin 1870, mund të ketë treguar historinë në rrugën e tyre sot.
Ajo tha: “Unë mendoj se kjo do të ishte ajo që Charles Dickens do të kishte bërë ndoshta nëse do të ishte, ishte viti 1839 kur ‘Oliver Twist’ doli për herë të parë. Ishte interpretimi i tij i zhargonit të rrugës dhe jetës në rrugë”.
“Për ne tani, duke e xhiruar në këtë kohë, është interpretimi ynë i jetës në rrugë. Kështu që, me të vërtetë e pëlqej të qenit pjesë e këtij progresi”, shtoi këngëtarja shqiptare.
Pavarësisht pohimit të saj se Dickens do të ishte një fans, kritikët nuk e morën me shumë dashamirësi projektin me regji të Martin Owen.
Kritiku i filmave të DailyMail, Brian Viner, i dha filmit vlerësimin me një yll nga pesë yje gjithsej sa është maksimumi.
Duke e përshkruar “Twist” si një film që ‘meriton të varroset nën tokë dhe të mos zbulohet për të paktën 1,500 vjet”, tha ai duke shtuar: “Unë do të bëj çkado që të jem në gjendje t’i harroj të gjitha”.
Akoma, Rita shpreson që fansat të vlerësojnë përpjekjet e saj në film, në të cilin luan gjithashtu Lena Headey e “Game Of Thrones”, Noel Clarke dhe David Walliams.
Ajo tha për Fleur East: “Artful Dodger ishte fillimisht një djalë, kështu që të isha në gjendje të bëja diçka kaq moderne dhe t’i hidhja një vështrim të shpejtë, ishte diçka që, duke më njohur mua, më pëlqen një sfidë. Isha si: ‘Le ta bëjmë’. Jam vërtet e lumtur që e bëmë”.
Ky rol i ka hapur idenë yllit për t’u marrë edhe më shumë me aktrim.
