“E kam urryer veten”- Ylli i “The Bachelor” pranon publikisht se është homoseksual

Bota e Yjeve

“E kam urryer veten”- Ylli i “The Bachelor” pranon publikisht se është homoseksual

Më: 15 prill 2021 Në ora: 10:22
Colton Underwood

Dy vjet pasi mbaroi sezonin në “The Bachelor”, Colton Underwood ka pranuar publikisht se është homoseksual. Underwood e zbuloi orientimin e tij seksual gjatë një interviste me “Good Morning America”, raporton “USA Today”.

29-vjeçari i “The Bachelor” foli hapur për drejtimin e tij homoseksual gjatë vitit të kaluar. Deri tani, ai nuk e kishte bërë publik, por, siç rrëfeu në intervistën e fundit, mirë është që njerëzit ta dinë.

“I jam larguar vetes për një kohë të gjatë, e kam urryer veten për një kohë të gjatë“- tha ai pasi pranoi drejtimin seksual në intervistën me Robin Roberts.

Image

“Hapi tjetër në të gjithë këtë gjë është t’i lëmë njerëzit ta dinë. Jam akoma nervoz …. Por po përjetoj emocione në një mënyrë kaq pozitive, saqë ndihem i lumtur. Jam më i lumtur dhe më i shëndetshëm sesa kam qenë ndonjëherë në jetë dhe kjo është e gjithë bota për mua”, – vijon Underwood.

Ylli i reality show-t i kërkon ndjesë publike edhe Cassie Randolph, ish-partneres me të cilën doli fitues nga “Bachelor”. Cassie dhe Underwood u frekuentuan për gati një vit, por lidhja mori fund, pasi gjërat nuk po funksiononin.

Image

“Do të doja t’i kërkoja ndjesë për mënyrën se si morën fund gjërat”,- shton Underwood. “Isha shumë konfuz dhe bëra zgjedhje të këqija.”

Pavarësisht se ishte homoseksual, Colton pranoi se në të vërtetë u dashurua me Randolph: “Kjo më bëri edhe më shumë konfuz.… Do të doja të isha më i guximshëm për të ekuilibruar veten para se të lëndoja dikë tjetër.”

Shfaq komentet
comments powered by Disqus
Sot mund të lexoni Shfletoni kopertinat