Chrisy Teigen duket se nuk mund të jetojë pa Twitter. Modelja e famshme amerikane pati befasuar fansat e saj muajin e kaluar pasi kishte bërë të ditur se kishte hequr dorë nga platforma e famshme online.
Mirëpo, bashkëshortja e këngëtarit John Legen, Chrisy duket se nuk ka mundur të vazhdojë më tutje pa qenë pjesë e Twitterit pasi ka vendosur t’i rikthehet.
Në muajin mars, Chrisy ishte përshëndetur me fansat e saj që kishte në Twitter duke thënë se i konsideronte tashmë të gjithë si shoqëri të saj.
“Është koha që t’ju them mirupafshim. Twitteri nuk po më shërben më në aspektin pozitiv por vetëm në atë negativ”, pati shkruar atë kohë ajo.
