Finalistja e “Miss Universe” ndërron jetë në moshën 20-vjeçare, vuante nga sindroma e rrallë

Bota e Yjeve

Finalistja e “Miss Universe” ndërron jetë në moshën 20-vjeçare, vuante nga sindroma e rrallë

Më: 17 prill 2021 Në ora: 13:55
Finalistja e “Miss Universe”

Një ndër finalistet e “Miss Universe” në Britaninë e Madhe ka ndërruar jetë këtë javë në moshën 20-vjeçare pas një beteje me një gjendje të rrallë shëndetësore.

Studentja Saarah Ahmed nga Kumbria vuante nga sindroma “Ehler”, një çrregullim i trashëguar i indeve lidhëse që prek lëkurën, tendinat, ligamentet, enët e gjakut dhe organet e brendshme së bashku me kockat, raporton “The Sun”.

Ajo ndërroi jetë të martën, fill pasi kishte realizuar një video, me anë të së cilës shpjegonte sëmundjen nga e cila vuante.

Image

Nëna e të ndjerës, Shefaly Begum, tashmë ka marrë vendimin që të vazhdojë misionin e papërfunduar të së bijës, për të informuar të gjithë njerëzit rreth kësaj sëmundjeje.

20-vjeçarja po studionte sociologji dhe psikologji.

“Ajo ishte një person shumë i bukur, i kujdesshëm dhe i mençur për moshën që kishte. Ajo donte të shkonte në universitet për të studiuar neurologji, sepse donte të ndihmonte njerëzit. Ajo ishte vajza jonë e vetme, ishte princesha jonë”,- u shpreh nëna e saj.

Image

Saarah më parë i ishte nënshtruar një operacioni për të korrigjuar shtyllën kurrizore.

Pas problemeve shëndetësore dhe për shkak të pandemisë, ajo vendosi të tërhiqej nga konkursi i bukurisë.

Image
Shfaq komentet
comments powered by Disqus
Sot mund të lexoni Shfletoni kopertinat