Kate Middleton është rikthyer në aktivitetet publike pas përfundimit të lejes së lindjes, pak muaj pasi solli në jetë fëmijën e saj të tretë, djalin Louis.
Dukesha e Cambridge u shfaq në publik këtë të mërkurë për të vizituar fëmijët e St. Augustine School, e cila ndodhet e pozicionuar në një park natyror në Londër.
Por Kate u bë protagoniste e një skene e cila përfundoi në gjithë mediat angleze.
Një vajzë e vogël, vetëm 4 vjeçe e pyeti se pse kishte kaq shumë fotografë të pranishëm.
Gruaja e princit William, iu përgjigj duke thënë, “Po të fotografojnë ty, sepse je e veçantë! Kanë ardhur këtu për të parë shkollën tënde të bukur”.
Një përgjigje me klas siç ndodh zakonisht kur bëhet fjalë për gruan e princit të Anglisë.