Ajo është një prej këngëtareve më të dashura të publikut shqiptar, e cila spikati qysh në daljet e para për natyrën e saj të lirshme dhe pa komplekse.
Por tashmë Big Mama, ka ndryshuar krejtësisht dhe është kthyer në një femër seksi.
Së fundmi ajo ka realizuar një shërbim fotografik, ku nuk ngjan fare me Bigun që ishim mësuar të shihnim.
Ajo shihet e ulur, e veshur me një kostum me lëkurë gjarpri dhe me syzet vendosur, duke shfaqur linja trupore të hatashme.
Bigu e cila e mori edhe këtë emër pikërisht prej përmasave të saj trupore, pasi i’u nënshtrua një operacioni për zvogëlimin e stomakut, ka ndryshuar krejtësisht.
Madje pak kohë më parë ajo tregoi se kishte rrezikuar jetën gjatë operacionit, por se tashmë ndihet e kënaqur me rezultatin.
