Këngëtarja shqiptare Dua Lipa, po vazhdon të shpërblehet për hitet e saj kudo në botë.
Të shtunën, ajo ishte në Los Anxhelos, ku fitoi një çmim nga “Variety”, si “Artistja e vitit”, shkruan Daily Mail, përcjell Bota sot.
Këngëtarja 23-vjeçare dukej mahnitëse me një fustan të bardhë, teksa doli në skenë për të pranuar çmimin.
Në këtë ngjarje ishte e pranishme edhe këngëtarja tjetër shqiptare me famë botërore, Bebe Rexha, e cila u nderua me çmimin “Tekstshkruesja e vitit”.
Dy bukuroshet shqiptare nuk kanë ngurruar për të pozuar bashkë, duke i bërë krenarë shqiptarët kudo që janë për arritjet e tyre./BS
