Një muaj pasi një ekzekutiv i Victoria’s Secret shkaktoi polemika duke deklaruar se marka nuk punësonte trasgjinore, një modele trans i është përgjigjur “dhëmbë për dhëmbë”.
Ed Razek, kishte deklaruar më herët se nuk punësonin modele trans pasi qëllimi i tyre është që të ruajnë “fantazinë”. Ai shtoi gjithashtu se, nëse do të punësoheshin modele transgjinore do të binte edhe interesi për markën.
Si kundërpërgjigje, Nikita Dragun ka realizuar një shfaqje të vetën e veshur si një nga engjëjt e famshëm të Victoria-s. Nikita rikrijoi një nga reklamat e markës.
Videoja u realizua në atë mënyrë që të ngjante sa më shumë me reklamën e famshme të festave të markës së të brendshmeve. “Reklama” u filmua në një pallat të ndriçuar pak, të zbrazët me shkallë dhe shandanë luksozë.
