Të hënën mbrëma ishte finalja e spektaklit të kërcimit “Dance with me”. E përpara se të shpallej fituesi, moderatroja e njohur Alketa Vejsiu mbajti një monolog mbi ëndrrat dhe dashuritë.
Alketa ka vendosur që këtë monolog ta publikojë me pjesë në profilin e saj në “Instagram”. Videot kanë mijëra pëlqime dhe shumë komente.
Ndërkohë në një prej videove, një komentuese i shkruan Alketës: “Po ti ke lekun mi zemër, mirë është ajo që thua, por ti e di shumë mirë që pa lek nuk mund të shkosh dhe s’mund të bësh asgjë”.
Komenti është lexuar nga moderatorja e njohur dhe ajo ka vendosur që t’i kthejë përgjigje ndjekëses së saj.
“Unë e kam nisur pa asnjë kacidhe. Përzieja 5 shishe shamposh në përfundim, që të kisha mundësi të lahesha e të me vinte floku erë të mirë. Kam punuar 14 vjeç me plumbat që më fluturonin në majë të kokës se ishte luftë në Shqipëri. Po, po, e marrosur, i ikja mamit 14 vjeç për të shkuar në Radio. Ja kjo ishte ëndrra ime. Për këtë po flas. Paratë janë rezultat, s’mund të jenë motiv”, i përgjigjet Alketa.