Gjermania kritikon vendimin e Pentagonit për të tërhequr trupat nga Siria

Bota

Gjermania kritikon vendimin e Pentagonit për të tërhequr trupat nga Siria

Më: 21 dhjetor 2018 Në ora: 06:27
Heiko Maas

Ndryshimi i papritur i qëndrimit të Shteteve të Bashkuara mbi Sirinë, është i habitshëm dhe rrezikon të dëmtojë luftën kundër Shtetit Islamik, tha Ministri i Jashtëm gjerman Heiko Maas të enjten, pasi Shtetet e Bashkuara vendosën të tërhiqen nga Siria.

Zyrtarët e SH.B.A.-së thanë të enjten se Shtetet e Bashkuara do të përfundojnë fushatën ajrore kundër Shtetit Islamik në Siri dhe nisën të tërheqjen e trupave, duke vulosur një ndryshim të menjëhershëm të politikës që ka alarmuar aleatët perëndimorë, si dhe aleatët e betejës kurdë të Uashingtonit.

“Shteti Islamik është tërhequr mbrapa, por kërcënimi nuk ka mbaruar ende. Ekziston rreziku që pasojat e këtij vendimi do të dëmtojnë luftën kundër Shtetit Islamik dhe të rrezikojnë sukseset e arritura deri tani”, tha Maas.

Ministrja gjermane e Mbrojtjes, Ursula von der Leyen tha se vendimi i SHBA ishte një çështje shqetësuese dhe shtoi se vendimi nuk e bëri më të lehtë për Kombet e Bashkuara të arrinin një zgjidhje të mirë për Sirinë gjatë negociatave për rendin e saj të pasluftës.

“Presidenti ka dhënë drejtimin e tij, por shpejtësia, formati dhe pasojat tani duhet të diskutohen urgjentisht me partnerët. Unë supozoj se amerikanët nuk do të tërhiqen në një ngut të çmendur, por të jenë të vetëdijshëm për përgjegjësinë e tyre jo vetëm ndaj trupave të tyre, por edhe ndaj të tjerëve”.

commentFirst article
Sot mund të lexoni Shfletoni kopertinat