Tmerr në Abbottabad, në Pakistan, ku një fëmijë 3 vjeç është përdhunuar dhe vrarë.
Sipas policisë, e vofla ishte zhdukur të martën pasdite nga shtëpia e saj dhe prindërit kishin bërë një denoncim.
Trupi i fëmijës është gjetur një ditë më pas, i hedhur në një kanal pranë qytezës. Policia ka arrestuar 30 persona të dyshuar dhe po heton për të gjetur përgjegjësit.
Sipas agjentit të policisë Muhammad Ijaz, e vogla me emrin Faryal, “ka ndërruar jetë për shkak të frikës dhe dhimbjeve”, pas dhunës që ka pësuar.
Ngjarja ka ndodhur në distriktin e Khyber Pakhtunkhëa, pranë Abbottabad (lokalitet i njohur për qëndrimin para ekzekutimit të terroristit Osama Bin Laden në vitin 2011).
Në janarin e shkuar, i gjithë Pakistani doli në protestë për një fakt analog: Zainab Ansari, një fëmijë 6 vjeçe, u përdhunua dhe vra në zonën e Kasurit, në Punjabi, përcjell GSH.
Policia arriti të arrestojë autorin e aktit makabër, Imran Ali, i dënuar me vdekje dhe i ekzekutuar me varje në litar në tetor të këtij viti.
