Talibanët edhe në një rreth bisedimesh me SHBA-në

Bota

Talibanët edhe në një rreth bisedimesh me SHBA-në

Më: 8 janar 2019 Në ora: 11:35
Afganistan

Përfaqësues të talibanëve afganë thanë se do të takojnë zyrtarët amerikanë në Katar për të zhvilluar bisedime për paqe.

Ata thanë se bisedimet dyditëshe do të nisin më 9 janar dhe refuzuan të takojnë, siç u shprehën, zyrtarët "kukulla" të Afganistanit.

Talibanët i kanë refuzuar kërkesat e fuqive rajonale për t'i lejuar zyrtarët e Qeverisë afgane që të marrin pjesë në bisedime, duke thënë se SHBA-ja është kundërshtari i tyre kryesor në Afganistan.

"Këtë herë, duam të mbajmë bisedime me zyrtarët amerikanë", tha një udhëheqës i talibanëve në Afganistan për agjencinë Reuters.

Ai tha se bisedimet në Doha do të përqendrohen në thirrjet e grupit militant për tërheqjen e forcave amerikane nga Afganistani, në shkëmbimin e të burgosurve dhe në heqjen e ndalesës së lëvizjes për figurat e larta talibane.

Bisedimet do të jenë rrethi i katërt midis liderëve talibanë dhe të dërguarit të posaçëm amerikan, Zalmay Khalilzad.

commentFirst article
Sot mund të lexoni Shfletoni kopertinat