Korea Veriut thotë se nuk do të ndryshojë qëndrim pas samitit me SHBA-në - Bota Sot
Korea Veriut thotë se nuk do të ndryshojë qëndrim pas samitit me SHBA-në

Bota

Korea Veriut thotë se nuk do të ndryshojë qëndrim pas samitit me SHBA-në

Më: 1 mars 2019 Në ora: 09:14
Donald Trump dhe Kim Jong

Korea e Veriut thotë se nuk do të ndryshojë qëndrim edhe nëse Shtetet e Bashkuara kërkojnë vazhdimin e bisedimeve.

Pas samitit ndërmjet presidentit të SHBA-së Donald Trump dhe udhëheqësit të Koresë Veriore, Ri Yong Ho, zyrtarë të lartë të Koresë Veriore kanë thënë se SHBA-ja ka refuzuar të heqë gjitha sanksionet ndaj Koresë së Veriut.

Megjithatë ministri i Jashtëm I Koresë së Veriut, Ri Yong Ho tha se delegacioni i tyre ka kërkuar që vetëm një pjesë e sanksioneve të hiqen dhe jo të gjitha.

Ai tha se vendi i tij ka bërë një propozim “realist” i cili përfshinte neutralizimin e qëndrës nuklerare në Yongbyon nën mbikqyrjen e vëzhguesve të SHBA-së.

Duke folur në një konferencë për media në Hanoi, presidenti amerikan ka njoftuar se nuk ka plane për mbajtjen e një samiti të tretë me Kimin.

Në programin origjinal të Shtëpisë së Bardhë, ishte planifikuar që të enjten të organizohet “Ceremonia e Nënshkrimit të Marrëveshjes së Përbashkët”, si dhe një drekë pune në mes të dy liderëve, mirëpo pritshmëritë janë shuar, kur të dyja ngjarjet janë anuluar në mëngjesin e së enjtes.

Sipas presidentit Trump, lideri verikorean ka pasur gatishmëri për të shkatërruar kompleksin, Yongbyon, zonë për zhvillimin dhe testimin e programit bërthamor të Koresë Veriore, mirëpo ka kërkuar lirim nga të gjitha sanksionet, diçka për të cilën SHBA-ja nuk ka qenë e gatshme.

Megjithatë dy liderët është thënë të kenë pasur diskutime përmbajësore sikurse në samitin e parë, të mbajtur në qershor të vitit të kalur në Singapor.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...