OKB: 11 milionë njerëz vuajnë nga kequshqyerja në Korenë Veriut - Bota Sot
OKB: 11 milionë njerëz vuajnë nga kequshqyerja në Korenë Veriut

Bota

OKB: 11 milionë njerëz vuajnë nga kequshqyerja në Korenë Veriut

Më: 7 mars 2019 Në ora: 19:00
Foto ilustruese

Raporti i publikuar nga Tapan Mishra, koordinator rezident i OKB-së për Korenë e Veriut, thotë se “kequshqyerja kërcënon një brez të tërë fëmijësh”.

“Me kujdes të kufizuar shëndetësor dhe mungesë të qasjes në ujë të pastër dhe në shërbime sanitare dhe higjienike, fëmijët në këtë vend të izoluar janë në rrezik të vdekjes nga sëmundjet e shërueshme”, thuhet në raport.

I njëjti e cilëson si tejet shqetësues faktin se prodhimi i përgjithshëm i ushqimit në Korenë e Veriut në vitin 2018 ka qenë mbi 9 për qind më i ulët se në vitin 2017 dhe më i ulti në më shumë se një dekadë.

Koreja e Veriut, e cila ka një popullsi prej rreth 24 milionë banorësh, po përballet me sanksione të OKB-së dhe të Shteteve të Bashkuara, si masë për ta bindur Phenjanin që të heqë dorë nga armët bërthamore dhe programet balistike, shkruan radioevropaelirë.

Shfaq komentet
comments powered by Disqus
Sot mund të lexoni Shfletoni kopertinat