Parlamenti i Britanisë voton për BREXIT-in - Bota Sot
Parlamenti i Britanisë voton për BREXIT-in

Bota

Parlamenti i Britanisë voton për BREXIT-in

Më: 12 mars 2019 Në ora: 14:39
Foto ilustrim

Parlamenti i Britanisë filloi të martën seancat për të votuar lidhur me vendimin për largimin e vendit nga Bashkimi Europian, apo BREXIT siç njihet ndryshe.

Në një votim të parë, ekipi i ministrave kryesorë të kabinetit e mbështeti kryeministren Theresa May, pas sigurimeve që ajo mori të hënën nga Bashkimi Europian për marrëveshjen.

Anëtarët e Parlamentit do të votojnë lidhur me variantin më të fundit të planit të paraqitur nga kryeministrja, bazuar tek një marrëveshje që qeveria e saj arriti me Bashkimin Europian vitin e kaluar.

Të hënën, zonja May shkoi në Strasburg, për bisedime me Presidentin e Komisionit Europian Jean-Claude Juncker, në një përpjekje të fundit për të siguruar disa ndryshime të marrëveshjes, e cila është kritikuar nga kundërshtarët e saj.

Kryeministrja May tha se zoti Juncker foli për disa “ndryshime ligjore të detyrueshme”, të cilat trajtojnë pjesërisht çështjen kyç të marrëveshjes për kufirin e Irlandës së Veriut dhe Irlandës, një vend anëtar i BE-së.

Zoti Juncker paralajmëroi se Britania nuk ka alternativa të tjera për shkëputjen, që është caktuar për më 29 mars.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...