SHBA-të refuzojnë kategorikisht ofensivën turke në Sirinë Veriore - Bota Sot
SHBA-të refuzojnë kategorikisht ofensivën turke në Sirinë Veriore

Bota

SHBA-të refuzojnë kategorikisht ofensivën turke në Sirinë Veriore

Më: 14 mars 2019 Në ora: 07:10
Ilustrim

Shtetet e Bashkuara nuk po diskutojnë një ofensivë turke në Sirinë verilindore me Turqinë dhe beson se një operacion i tillë nuk do të ishte i nevojshëm për të trajtuar shqetësimet e sigurisë së Ankarasë, tha një zyrtar i SHBA për Reuters të mërkurën, duke hedhur poshtë raportet e medias për të kundërtën.

Një zyrtar i mbrojtjes turke, u citua të martën nga media shtetërore turke duke thënë se Ankaraja po diskutonte me Shtetet e Bashkuara dhe Rusinë një ofensivë të mundshme në një rajon të Sirisë verilindore të kontrolluar nga luftëtarët e udhëhequr nga kurdët.

“Turqia po diskuton me Rusinë dhe Shtetet e Bashkuara një ofensivë të mundshme ushtarake në një rajon të Sirisë verilindore, të kontrolluar nga luftëtarët kurdë”, u citua të thoshte zëdhënësja e ministrisë së Mbrojtjes në Turqi dje.

Ushtria amerikane ka mbështetur forcat kurde të udhëhequra atje, të cilët po luftojnë me mbetjet e kalifatit të deklaruar nga shteti islamik në Irak dhe Siri në vitin 2014. Megjithatë, Turqia i konsideron luftëtarët kurdë të YPG si terroristë dhe ka kërcënuar vazhdimisht për të nisur operacione kundër tyre.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...