Ushtruesi i detyrës së ministrit të Jashtëm izraelit, Yisrael Katz njoftoi se presidenti i SHBA Donald Trump nesër do të nënshkruajë një dekret për njohjen e sovranitetit izraelit mbi lartësirën e Golanit, gjatë një vizite në Shtëpinë e Bardhë nga kryeministri Benjamin Netanjahu, raporton Reuters.
Agjencia kujton se një zyrtar amerikan i paidentifikuar tha javën e kaluar se administrata e Trump është duke përgatitur një dokument zyrtar për të rregulluar mbështetjen e Uashingtonit për bashkimin e Izraelit me këtë rrafsh strategjikisht të rëndësishëm që Izraeli e ka marrë nga Siria në luftën e Lindjes së Mesme të vitit 1967.
"Nesër, presidenti Trump do të nënshkruajë një dekret duke njohur sovranitetin e Izraelit mbi Golanin në praninë e kryeministrit Netanjahu. Lidhjet izraelite-amerikane janë më të forta se kurrë, "shkroi Katz në Twitter.
Reuters kujton se Kombet e Bashkuara konsiderojnë lartësinë e Golanit, të kontrolluar nga Izraeli, si territor të pushtuar.
