Kryeministrja e Zelandës së Re, Jacinda Ardern ka urdhëruar një hetim të nivelit të lartë lidhur me sulmet ne xhamitë e Christchurch, ku mbetën të vdekur 50 persona.
Ajo tha se një komision mbretëror do të shqyrtojë nëse policia dhe shërbimet e inteligjencës do të mund të kishin bërë më shumë për të parandaluar sulmet e 15 marsit.
Mbledhja e komisionit mbretëror është niveli më i lartë i hetimit të pavarur në dispozicion sipas ligjit të Zelandës së Re.
Ardern tha se ky komision do të publikojë një raport gjithëpërfshirës.
“Është e rëndësishme që asnjë gur të mos mbetet i palëkundur për të parë se si ka ndodhur ky akt terrorizmi dhe si mund ta kemi ndaluar atë,” u tha ajo gazetarëve në Wellington ditën e hënë.
Ajo theksoi se pyetja në të cilën duhet të ketë përgjigje është se “a mund te kishim bërë dhe ditur më shumë?”.