Banesa me shtatë dhoma të gjumit do të shfrytëzohet nga konsulli i përgjithshëm britanik në Nju Jork. Kjo banesë ka pamje mahnitëse të qytetit dhe shtrihet në tërë katin e 38-të të ndërtesës.
Pavarësisht çmimit të lartë, Zyra e Jashtme, e cila kryen funksionin e ministrisë së punëve të jashtme, tha se e ka arritur marrëveshjen më të mirë të mundshme për këtë banesë.
Zyra e Jashtme tha se kjo banesë do të ofrojë ndihmë për ta promovuar Britaninë e Madhe në kryeqytetin tregtar të tregut më të madh të eksporteve në vitet e ardhshme.
Në këtë banesë me sipërfaqe prej 547 metrash katrorë ka librari dhe gjashtë banjo. E dizajnuar nga arkitekti britanik, Norman Foster, ndërtesa “50 United Nations Plaza” ndodhet pranë selisë qendrore të Kombeve të Bashkuara në Manhattan, shkruan “BBC”.