Kombet e Bashkuara dhe fuqitë botërore i kanë dënuar luftimet e reja në Libi pasi forcat rebele kanë lëvizur nga lindja e vendit dhe po vendosen në kryeqytet.
Grupi i vendeve të pasura, G7, ka bërë thirrje që të gjitha palët ta ndërpresin aktivitetin ushtarak, Kërkesë të njëjtë ka bërë edhe Këshilli i Sigurimit i Kombeve të Bashkuara.
Khalifa Haftar, udhëheqës i Ushtrisë Kombëtare Libiane, ka dhënë urdhër që këto forca të marshojnë drejt Tripolit.
Raportohet se aktualisht luftimet janë duke u zhvilluar afër aeroportit ndërkombëtar në pjesën jugore.
Në Tripoli ndodhet qeveria e njohur ndërkombëtarisht dhe e cila mbështetet nga Këshilli i Sigurimit.
Trupat e Kombeve të Bashkuara, të cilat janë të vendosura në Tripoli, janë vënë në gjendje të lartë gatishmërie. Dhuna dhe përçarjet e kanë përcjellur Libinë që nga rënia nga pushteti e diktatorit Muammar Gaddafi në vitin 2011, shkruan “BBC”.
