Ish-presidenti katalanas, Carles Puigdemont iu ndalua nga autoritetet zgjedhore spanjolle të shpallë kandidaturën e tij në zgjedhjet europiane të 26 majit, njoftoi sot partia e tij indipendentiste.
Sipas këtij grupimi i quajtur ”Së bashku për Katalonjën”, i cili publikoi në media rezolutën e cila sqaronte ndalimin, autoritetet zgjedhore po kërkojnë në këtë mënyrë të privojnë liritë më konkretisht të drejtën e fjalës e Puigdemont dhe dy indipendentistëve të tjerë katalanas në mërgim, Toni Comin dhe Clara Ponsati.
I kontaktuar nga media, autoriteti zgjedhor refuzoi të bënte komente rreth çështjes.
Partia popullore (PP, e djathta) dhe liberalët e Ciudadanos paraqitën një rekurs tek autoritetet zgjedhore për të penguar kandidaturën e Puigdemont.
