Shtetet e Bashkuara po luajnë “një lojë shumë të rrezikshme” në përpjekjet për “ta tërhequr Iranin në një luftë të panevojshme” ka thënë një zyrtar i lartë iranian gjatë ditës së sotme.
Hamid Baelidinejad, ambasadori iranian në Mbretërinë e Bashkuar, iu tha reporterëve se vendimi i administratës së Trumpit për të vendosur aeroplanmbajtësen dhe pajisjet e tjera ushtarake në Gjirin Periskop është përllogaritje e keqe dhe e rrezikshme, përkthen Periskopi nga USAtoday.
Baeidinejadi mohoi që Irani ishte prapa sulmit ndaj katër anijeve që bartnin naftë për në ShBA e që i përkisnin Arabisë Saudite, Norvegjisë dhe Emirateve të Bashkuara Arabe.
“Jemi të përgatitur për çkado që ndodh, mund t’iu them këtë,” tha Baeidinejad. Tensionet janë rritur mes ShBA-ve dhe Iranit aq shumë sa lufta duket fare pranë.
Ai tha se këshilltari i Sigurisë Kombëtare John Bolton aktivisht po përpiqej ta bindte Trumpin që të niste konfrontim ushtarak që asnjëri vend nuk e do, dhe i cili do të ishte shkatërrimtar edhe për ShBA-në e edhe për rajonin.
